منتدى بصمات المودة


{ أهلاً بك أيها الزائر الكريم .. في منتدى بصمات المودة .. =)

~ قلمك يعبر عن شخصيتك .. عبر عنه بمواضيعك المميزة و المنسقة .. و ردودك القيمة ..


✿ .. كونوا بصمة لا تنسى .. ✿


{ بصمتك .. تعبر عن شخصيتك .. =)


    قصـايـد محمد بـن فطـيـس

    شاطر
    avatar
    loly
    بصمة جديدة
    بصمة جديدة

    عدد المساهمات : 11
    نقاط : 13
    تاريخ التسجيل : 29/03/2011
    العمر : 21
    انثى
    السمك
    الموقع : في الدكان

    قصـايـد محمد بـن فطـيـس

    مُساهمة من طرف loly في الأربعاء مارس 30, 2011 12:08 am

    ،؛، .. ســـولفـــــوا .. ،؛،


    سولفوا تكفون لا عاد تسكتون ..
    .. قبل لا أهوجس وياتيني بلاي

    السكات يزود طعوني طعون ..
    .. وتنكسر لا جا على راسي عصاي

    سولفوا لو ما بغيتوا اتسولفون ..
    .. قبل لا اقعد في الحزن رايح .. وجاي

    واضحكوا لو بالعماله تضحكون ..
    .. وجاملوني لو يضايقكم حكاي

    لي وليفٍ راح جعله ما يهون ..
    .. هو دواي وداي .. أو داي ودواي

    راح لكن طيف زوله في العيون ..
    .. مرةٍ قدامي ومرة وراي

    وإن سكتوا جا وهو طيفه يمون ..
    .. رحت أهوجس له وأبين له ولاي

    مكسب عيوني من الفرقا مزووون ..
    .. تمطر لطاريه .. والبرق ؟ أصدقاي

    كل ما طروه لو هم يمزحون ..
    .. احرموني من غداي ومن عشاي

    أدري إنه ما تناسى الود كون ..
    .. تسمع إذنه في قفاي اللسن عداي

    وكانهم قالوا نسيته يكذبون ..
    .. وإلا أنا فيه أمتلك نظرة وراي

    كان حبه لي على خبري مصون ..
    .. والله ان كني بقدري .. وبغلاي

    ذي بقايا الحب وأطلال الجنون ..
    .. والله أعلم في ضميره وش بقاي

    غير طيعوني ولا عاد تسكتون ..
    .. ولا والله إن أسمعكم بكاااي



    -----------------------------------------
    ،؛، .. يا قـــو قلــــبـــك .. ،؛،


    ياقو قلبك على الصّـده ويـا صُــــــبـرك
    وياوسع صدري على صدك ويا صُبري


    وياطول عمـرك بذاكـــــــرتـي وياكُبـرك
    وياشيب عيني بشيّب عــــاد ذا كــــُبـري


    والله لون حمل صبري فوقـك..ان تبرك
    والله ولو تعتذر منـت بعلـى خــــــــبـري


    ان ما جبرك الغلا ما اقدر على جـــبـرك
    ياللي على ارض الوفـا ما شبرك بشبري


    تـــزعل وترجع وتـلقانـي عــــلـى خبـرك
    وانا انكسر لك واجـــــيـك ادوّر لــجبـري


    طـــيفك وذكــــراك طـيلـة غيبتـــك سبـرك
    وشـــــوقي لشوفتك طيلة غيبتـك سبـري


    امـــــحق وليف ومحبه والا اقــول ابـرك
    حسبي عليك اعشقك وانت اتحفر قــبري

    ------------------------------------------
    ،؛، .. لا ضاقت الدنيـــا .. ،؛،


    لا ضاقت الدنيا عليك وتشاويت ..
    .. خلق الله اللي فالرخا كان واجد

    ومن العرب والصوت والثوب مليت ..
    .. وقامت عليك هموم بأقعا تراجد

    فارفع يديك لخالقك لا توضيت ..
    .. وادعو تراك أقرب إليا صرت ساجد



    ووقت من أوقاتك للأوقات توقيت ..
    .. وسجل لنفسك في المساجد تواجد

    وأبشر بفزعة حامي الدين والبيت ..
    .. إليا هجدك من الهواجيس هاجد

    اللي يميت الحي ثم يحيي الميت ..
    .. لرضاه شف كثر البشر بالمساجد

    ----------------------------------------

    ،؛،.. الــبـارحـــة ..،؛،


    البارحة ربي كتب لي ومريت ..
    ..دربٍ عليه بروق الأحباب لاحت

    جيت المكان اللي جمعنا وخفيت ..
    .. وقامت جروحي للجوارح وصاحت

    ياليتني في لفة الدرب زليت ..
    .. كان العيون من الدموع استباحت

    التم غيم الدمع من يوم لفيت ..
    .. وورقا القصيد لشوفة الغيم ناحت

    وضحكت ماأبغي الناس تدري يبالفيت ..
    .. لكنها غصبٍ على العين ساحت

    حارت دموعي في عيوني وصديت ..
    .. وأرمشت مابيها تبين .. وطاحت

    وعقبه برق في العين براق .. واسقيت ..
    .. خدي ووناتي بصدري تلاحت

    وأنا أحسب إني في فراقه تشافيت ..
    .. وان عبرتي من مدخل الزاد زاحت

    اللي يحسب إني على البعد سجيت ..
    .. والا ان عيوني للرقاد استباحت

    ياليتني من قبل لا أحبه اقفيت ..
    .. والا ان دروبي عن دروبه تناحت

    أهون علي من البكا والتناهيت ..
    .. وأشلا من سدودٍ على الناس باحت

    عرفت كيف الحي يفرق عن الميت ..
    .. وعرفت قيمة نعمتي يوم راحت

    قولوله اني عقب بعده تدانيت ..
    .. ورجلي عن دروب المعافين شاحت

    البعد نار وطاعة العذل كبريت ..
    .. يقصر على بعده .. ترى الكبد فاحت

    ------------------------------------------
    avatar
    تووته
    بصمة نشيطة
    بصمة نشيطة

    عدد المساهمات : 113
    نقاط : 105
    تاريخ التسجيل : 28/02/2011
    العمر : 20
    انثى
    السمك
    الموقع : في البيت
    المزاج : هـــااابـي

    رد: قصـايـد محمد بـن فطـيـس

    مُساهمة من طرف تووته في الأربعاء أبريل 06, 2011 12:19 am

    لالا ماشاله مبدعه الاخت ((أتكسر))
    موضوووع حلووو ثانكس
    Wink
    avatar
    FeFe
    بصمة نشيطة
    بصمة نشيطة

    عدد المساهمات : 133
    نقاط : 114
    تاريخ التسجيل : 19/02/2011
    العمر : 21
    انثى
    الثور
    الموقع : غيآآثي
    المزاج : رآآيقـة

    رد: قصـايـد محمد بـن فطـيـس

    مُساهمة من طرف FeFe في الأحد أبريل 24, 2011 3:27 am

    آبدآآآآآآآآآآآآآآآآآآآآآآآآآع,,

    أحسنتي الاختياار,,

    ماشالله محمد بن فطييس مكسر العالم بقصااايده,,

    تقبلي مروري آنسه لولي,,

    أختج:

    FeFe










    يَاربـ
    إجعل لنآ في دروّبْ التعبّ ,
    . . . . خ ي ر !


    وّ ازرع لنآ في كل خطوهـَ ,
    . . . . سعآدهـّ

      الوقت/التاريخ الآن هو الأربعاء نوفمبر 22, 2017 3:03 pm